笑傲香江-(故事大綱)-第二回-同道中人

〈註:本故事為保留懷舊香港風格所以對話多以香港話為主，日後有機會再譯華語版本。〉

早晨五點，晨光初現大街上人煙稀疏，一輛殘舊嘅銀色腳踏車在街上遇襲風一樣畫行而，不停響著叮……劃破了清晨的寧靜 ，但其實對街坊來說非常擾人清夢。

腳踏車後排擋著一疊厚厚的新報紙，駕駛著銀色腳踏車的派報紙工人卻穿作一個像教書先生的恤衫西褲，帶著一副烏蠅淺黃色鏡片的幼框眼鏡與他做的工作和這條街度總是格格不入。

但是派報紙的這位人兄好像樂在其中，這個來去如風感覺瀟灑的男人就是在上一回唱歌極度難聽的遊子風。

單車狂奔派報紙大概兩小時已經係清晨嘅七點多，拿了即時派送的工資後遊子風悠閒地買了一個麵包和牛奶來到了尖沙咀海旁，悠然自得的一路看海，一邊品嚐他的早餐，一點也看不到他感到辛酸反而像是樂在其中。

休息一回，他來到了位於尖沙咀要佐敦交界的一間英文書店，開始整理新書編排書籍原來他在這裏工作。好快就來到了放學時間，學生們都紛紛來到了書店這是一群女學生蜂湧到遊子風邊......

學生甲：子風哥哥,今日有咩新書介紹呀？

學生乙得意洋洋的爭着說：何只介紹呀，佢上次仲話同我係知音送咗本書畀我㖭呀！

相信好多讀者睇到呢度都覺得無言…我明，不過都希望大家睇落去，我都係如實呈現我見到嘅嘢啫…

差不多來到了四五點他就換班了，這個時候他急急忙走到尖沙咀的一間戲院， 展開了他售票員的工作。

在漆黑的戲院中突然間觀眾都聽到了暗角處傳來的古怪笑聲時不時又有飲泣的聲音…

相信大家都估到係邊個啦！

遊子風比觀眾更加樂在其中，站在一個看了每一場新的電影真係便宜咗他。

當然都會有人投訴佢啦，所以已經係佢第十間工作嘅戲院喇！但佢依然樂此不被繼續尋找戲院嘅工作。

開開心心又完了一份工，然後佢就先回位於佐敦的殘舊唐樓，換了衣服拿了一個結他和一疊殘舊的樂譜輕輕鬆鬆的走到了尖沙咀天星碼頭旁，準備好工具架部開始他賣唱的生涯了。

咦！但今日佢好似等緊一個人！ 無腳的雀仔，多情的瀟灑浪子，竟然會等人？！究竟係邊個美女有呢一個福分呢？

等咗一會兒其實比原定嘅約定時間七點半係再遲咗十五分鐘。

雖然冬日嘅海旁嘯嘯冷風，但係佢一啲都唔介意佢等嘅人遲到。

"啊！唔好意思啊！ 我遲咗少少呀！要你等添！ "原來就係嗰個失魂學徒覃珚亭。

但相信大家其實都估到㗎，我係喜歡故作神秘呀！又如何！

"唔緊要，我首先早到咗少少，而且望住個海睇住個景，培養心情先可以唱到好歌！所以自己一個人望海係我必經每日唱歌之前嘅熱身來！"遊子風神態自若微笑著說道。

覃珚亭：咁就好喇！我之前遲到，每次都被人怪得好利害，你不同，真係心胸廣闊！我好欣賞！

遊子風： 自己嘅時間本來就係自己嘅！加上呢度風景咁靚，我都慣咗一個人，等唔等你又有乜分別呢！

覃珚亭由衷欣賞遊子風的灑脫態度，越嚟越對他產生好感， 不知不覺已經沒有覺得他是瘋子了。

他們選在人流較多有沒有阻塞通道的位置。覃烟亭好緊張，忐忑不安，顯得非常唔自然，遊子風繼續悠然自得地說： 唔使緊張㗎，珚亭兄！你估我唔知自己唱歌難聽咩？但係我都夠膽放聲高歌！我都願意向大家表達我內心嘅感情，你都可以！一定得！

覃烟亭：啊…我…我 未試過㗎喎，再加上我哋練習都未練習過，最恐怖嘅係究竟要唱咩歌我到呢一分鐘都唔知喎…?

遊子風：而家諗咪得囉！唱歌最緊要呢就隨心！所以我哋係唔使練習！練習咗呢，就唔夠隨心，唔夠盡情盡意！你想唱咩歌你就夠膽放心去唱！ 觀眾呢，就自然係感情上會有共鳴啦！

覃珚亭內心： 點解我會跟咗個癲佬…仲有幾分鐘覺得佢係正常人或者高人嚟㗎呢…

遊子風二話不說已經敲響了他結他的一下有人開始留意他們，“ 點呀珚亭兄～諗到唱咩歌未呀？呢一刻你最想唱嘅歌係咩呀？”

覃珚亭情急下迫於無奈地：....er..er...my favourite things….你…識唔識啊？

遊子風再敲響了結他：當然識！ 而家我哋就嚟啦畀大家欣賞我哋嘅熱情！ 話畀你知啦珚亭兄唱歌呢就好似寫詩一樣係一樣將內心嘅感情抒發出嚟將你內心嘅思想感染其他人我好鍾意寫嘢㗎,唔知你鍾唔鍾意，你就將你內心嘅熱情同澎湃盡情感表現出嚟啦！

覃珚亭：咦…？ 我都鍾意寫……

來不及覃珚亭回應他的說話， 前奏竟然已經開始，說時遲那時快遊子風，迅速遞給了這首歌的歌詞原來也在他的殘舊樂譜之中。

樂曲奏起遊子風結他演奏技術比他的歌喉好太多非常純屬灑脫引來了很多人的目光。

覃珚亭逼上樑山鼓起勇氣唱出：

Raindrops on roses

And whiskers on kittens

Bright copper kettles and

warm woolen mittens

Brown paper packages tied up with strings

These are a few of my favorite things……

覃珚亭意外地口音不錯而且節奏感也可好，唱得風格特別意外地引起了眾人的注足欣賞。

竟然引來了一片掌聲～真是一個出乎意料的結果！

遊子風：多謝各位嘅熱情欣賞！有邊一個願意為剛才你哋開心嘅情緒投注幾蚊畀我哋？

香港人真係好現實，一講到錢，駐足欣賞嘅人就開始四散，但係都有一兩個備了豆零和一先佢哋，遊子風覃珚亭兩人相望一下，感到鼓舞！

覃珚亭開懷大笑：哈哈哈！遊子兄！ 估唔到真係可以賺到錢喎！原來唱歌好好玩㗎！

遊子風：今晚嘅精彩先啱啱開始！ 你下一首想唱咩歌呀？

正當佢哋諗緊唱咩歌嘅時候突然間不遠處傳出： 搶嘢有賊呀！ 搶咗我手袋呀！

覃珚亭： 咦你，睇下係嗰邊嗰個女士喺度大嗌呀！ 又會咁猖狂嘅！

正當覃珚亭當旁觀者議論的時候 ，遊子風二話不說拿著結他跑到小偷那邊追上前！

覃珚亭都嚇了一跳！

遊子風身手原來頗為敏捷，習慣了派報紙的他雙腳矯健， 很快就追到了小偷尾隨， 沒有猶豫拿起他手中的結他一下大力隧小偷的頭， 小偷痛苦的大叫， 整個人趴了在大街上， 很是狼狽！遊子風 手腳飛快的從他手中搶回了手袋， 這時候被偷東西的白領女士追上了來， 還是六神無主的她， 邊到小偷已經被制服，又見到遊子風把手袋溫柔地遞給她，“ 小姐，係咪佢偷咗你手袋呀？ 小心啲啦，我唔會成日都喺你身邊出現保護唔到你呀…”遊子風溫柔語帶微笑的說著。白領女士竟然害羞起上來，小聲回答“啊… 好多謝你呀大俠…”

“哈哈哈！ 舉手之勞， 有邊個唔會見義勇為？我哋大家都係香港住嘅，守望相助好應該呀！”

遊子風瀟灑遊漫不經心的說著。此時，覃珚亭才追上了來，喘著氣說：啊～ 好犀利呀，遊子兄！原來你係食過夜粥㗎？

“咦！ 你個結他爛咗喇點算呀！”

遊子風仍然瀟灑地回答： 小事嚟啦， 遲早喺街邊有緣分我會執番個嘅，唔需要介懷呀！ 點及一位美麗女士嘅手袋重要呢！

白領女士很是感動，說道： 如果先生你唔介意嘅，不如，我買一個新嘅畀你當係答謝呀？

遊子風當機立斷說到：當然唔使啦，首先你畀小偷搶嘢已經係受驚，已經係損失令你花容失色我又豈可能我一個舉手之勞要小姐你要為我呢一種人破費呢？

覃珚亭立即搶著回應：不過呢,個結他唔係你最重要嘅嘢嚟咩?無咗呢個結他你咪唔可以唱歌畀呢位女士聽囉？

白領女士：吓？ 原來先生竟然為咗我嘅手袋將你最重要嘅結他打爛， 你唔好拒絕我啦！我就點都一定要買一個新嘅畀你㗎喇，希望你恭敬不如從命，如果唔係我先會唔開心呀！

遊子風：好啦， 我就順著你係啦～

他們三個行到了尖沙咀加連威老道附近的一間琴行， 此時覃珚亭留意到這位白領女士新穿著淡紅色的旗袍非常優雅， 而且時常都含情脈脈望著遊子風， 走進了琴行百領女士竟然買了一個二十蚊的結他！

遊子風:太貴重啦，買個好平嘅畀我就得咩結他都一樣彈到音樂就係好結他！

白領女士： 點會呢， 先生合熱心腸正值見義勇為就好應該有一個好結他！係囉，唔知先生你晚餐未呢？

遊子風：未，可能係為咗,在啱嘅時間協助女士你攞返個手袋所以我未食晚餐！

覃珚亭內心：口花花到咁樣，竟然個女仔都咁為佢神魂顛度,我真係唔明呀！

旗袍白領女士請了他們做附近一間西餐舖頭晚餐， 坐了卡位，覃珚亭已經許久沒有來這種餐廳食飯， 他內心很是興奮！

覃珚亭內心： 太好喇，估唔到遇到癲佬竟然有咁多好事發生，我竟然可以有機會再嚟呢度食飯！

覃珚亭叫了家中還是有富有的時候是常吃的瑞士汁雞翼瑞士汁牛河還有梳乎厘。

遊子風好像都沒有什麼所謂所以什麼都順著他，白領女士整餐晚飯也只熱衷於與遊子風交談，不過這個正好，反正覃珚亭本身也不太喜歡跟陌生人食飯，女直無視了他反而令他可以專心享受這裏的氣氛，懷緬過去的時光好好品嚐美味的晚餐。 晚餐後,三人在餐廳門前分別，白領女士： 先生,唔知你有無電話我哋有機會交個朋友呢？

遊子風：我來去如風邊,度都係我屋企,不過如果你想見我嘅話我差唔多每晚嘅七點半都會喺尖沙咀天星碼頭嗰度唱歌，如果你想見我嘅，就嚟嗰度搵我希望我哋有緣相見，我都好想再次見到美麗嘅Linda 女士你！

白領女士： Henry， 咁好啦。

就這樣他們度過了有趣驚險的一天。

回到家中，華姐很擔心的在門前等待著覃亭珚，華姐：少爺，都咁夜啦！你無工作，你究竟去咗邊處啊？ 你食咗晚餐未呀？等華姐煮畀你食吓～

覃珚亭興奮異常的說道：我今日覺得好精彩呀！仲有人請我食好高級嘅太榮館晚餐啲喎！

華姐：吓！？少爺你真係去咗做小白臉呀？！唔可以㗎！！

覃珚亭： 你諗錯隔離啦！我咪講咗囉我喺街頭同人唱歌呀！放心，我哋過去梳化要坐下先，我一五一十同你講，不過我想飲杯熱牛奶先！

“ 少爺，你點可以群埋呢啲不三不四嘅無業遊民㗎！？” 華姐言帶責罵的口吻說道。

覃珚亭： 乜嘢喎～ 佢好多份工㗎一啲都唔係無業遊民～ 你唔放心嘅我聽日帶佢上嚟坐下啦！

華姐：少爺你真係誤入歧途呀！有份有前途嘅好工唔做！群埋嗰啲不三不四搵埋唔夠糊口嘅癲佬朋友！唔得呀今次我一定要同老爺講呀！

覃珚亭：吓！ 唔好啦！呢啲嘢唔使同佢哋交代啦，佢哋一個邊夠煩㗎喇，唔好畀煩惱佢哋啦！

華姐：少爺,你口口聲聲話唔好畀煩惱佢哋，但你唔係一直都畀緊咩？一時就無啦啦話要做作家，然後又突然間話喺街頭賣唱咁羞家，仲要識到啲癲佬，仲要話要帶佢上嚟畀我睇？ 如果被立心不良嘅人知道我哋住得好，呢度又有古董，佢搶曬我哋啲嘢點呀！？ 點解少爺你可以咁遇人不熟㗎！？唔得啦我依家就打電話！

說著說著華姐真的開始攪起電話，想著打長途到台灣！

覃珚亭開始荒起上黎，連忙搶著電話想阻止，但係已經太遲喇！

華姐一五一十的快速地用國語跟覃老爺講了件事的來龍去脈！

覃珚亭內心：早知就唔同華姐講啦～我仲以為佢喺企我嗰邊嘅添！

不一會，華姐板著塊面說：少爺， 你過嚟吖，大覃生話有嘢想同你講呀。

覃珚亭像受刑一樣的面色， 戰戰兢兢拿起了電話非常不情願。電話對方是一口地道台灣口音國語。

“呀亭亭呀！ 為何你要誤入歧途呀，如此不學無術呀？你要聽劉師傅的話嘛，要聽華姐的話嘛，不要這麼野呀，要乖呀!"

覃烟亭想辯駁，一口港式的國語：blue司啊！此蛇…此蛇… 禍，禍係，令矛星去路啊！( 翻譯:不是呀，其實，其實，我，我係，另謀新出路!)

雖然覃亭曾經喺台灣兩年嘅時光，但係睇嚟佢對國語真係一啲天份都無，咁多年呢佢都可以同佢父母溝通到真係奇蹟！

覃老爺好已經截住了他這種三腳貓的國語：呀亭亭， 你就最喜歡辯駁的了，從小到大呀，daddy跟你講道理時，你都一定要辯駁的，你什麼時候才能長進點吖？你每天在那個玉廠裏面對著哪些玉～你應該好好跟那些玉學習，你有沒有聽說過溫其如玉，故君子貴之也？ 你想不想當一個君子？ 就應該如玉一樣謙虛謙遜如玉一樣勤力上進對人謙虛對人溫柔～

正當他daddy再說著這些尋長的苦口婆心話語，覃珚亭內心：要我同啲玉學習？佢究竟講緊啲乜嘢呀？…………幾時完啊？

覃老爺繼續說：你一定要謙虛向劉師傅學習，這樣才會有出路，這樣才會更上一層樓，好吧～現在daddy跟你說一個故事，你聽完這個故事之後呢，daddy會問你三個問題，希望你有所領悟 ，哎呀～亭亭daddy相信你有慧根的，若果你答不對daddy就叫華姐罰你的啦！

最後嗰句先係重點，覃珚亭內心：唔係啊！…又玩呢招………

他daddy開始說著故事～此時覃烟亭已經開始發白日夢，想著他腦中故事的情節逃避這一切。

覃老爺和顏悅色的說: 好啦故事講完了，亭亭，現在daddy問你問題了囉～

覃珚亭內心：快手啲問咗佢喇，我想返得房瞓覺呀～

覃老爺: 好啦～第一個問題呢，就是溫其如玉，故君子貴之也啦，究竟真意是什麼呢？

覃珚亭內心：鬼知吖…！

覃珚亭：溫其如玉，故君子貴之也…嗯～ 煙佳呢就司周硯呢，如旭依羊， 冤柔啦～青吹～ 可以淵澤硯辛～( 翻譯:應該呢就是呢，如玉一樣，溫柔啦，青脆，可以潤責人心）

覃老爺開始有點溫恕：小亭亭， 你方才是否又再發哪些白日夢呢？ 夠竟有沒有專心聽daddy 辛辛苦苦跟你講嘅道理？

覃珚亭：blue司啊～ 禍又由星叮㗎！( 翻譯:不是啊，我有留心聽的㗎）

覃老爺仍然溫恕：好，daddy給多一次機會你，問第二個問題！溫其如玉，故君子貴之也是出自那本經典的呢？

覃珚亭勉強硬著頭皮強吹：禮記…的…的…的…的…的聘禮…

覃老爺恕：是聘義！亭亭！ 我已經給了一個簡單問題，給你一次機會，為何你仍然要答錯呢？要記一個出處難道好難呢？daddy花了那麼多錢打長途電話給你，我們現在環境艱難，你知不知道長途電話費好多錢，但你仍然無心裝載的，完全白費了daddy對你嘅苦心,你對得起我們家嗎？

覃珚亭突然感到歉疚：到不此啊… 鍋…有丁㗎，但司志錯左啊…！

( 翻譯:對不起啊，我有聽㗎，但是記錯了。）

覃老爺恕：看來都不需要問第三個問題了，覃珚亭，你真是該罰！罰你什麼才能治到你呢？

覃珚亭擔心地求饒：daddy，禍，禍…已經巧老李公作，blue腰花禍啦……(破爛國語)

覃老爺恕：不！這次不能饒恕你！亭亭，你說這次daddy應該如何罰你！你做錯什麼！回答我！

覃烟亭擔心地求饒：daddy，禍，做錯了…(破爛國語)

突然他覺得委屈起來:禍…禍錯在… 人壽到今時今日才跟劉師傅表達內心的不快(破爛國語)，(廣東話快語) 我錯就錯在一開始應承了你們到哪裏工作… 唯一…可能真係好錯嘅係走嘅時候我意氣用事攞咗其中一位同事嘅汽水飲！ 至於你講咩唔好嘅朋友，其實你未見過佢又點知喎！我哋喺天星碼頭唱歌都係英文歌好正面㗎！ 而且我都賺到錢呀！有咩唔啱喎！

覃珚亭因為激動所以在中間已經轉換成廣東話，覃老爺其實都聽得明少許。

華姐看見狀態非常擔心，連忙比手勢覃珚亭請他不要意氣用事，但說出去的話就好似潑咗出去的水，真係一發不可收拾。

華姐搶去覃珚亭手中的電話，和顏悅色的用國語請老爺息怒：大覃生， 少爺可能呢兩日太累了， 其實 師傅說不要他在哪裏工作也是嫌他笨手笨腳，所以他深受打擊才會意氣用事， 就請你不要再生氣啦， 你們父子分隔兩地好應該心連心才對的喔！

覃老爺開始冷靜下來， 語重心長的說：華姐，我知你非常痛錫亭亭，這兩年來我們交給你微薄的生活費你也願意留在這裏，你的大恩大德我們一家人都不會忘記呀！但亭亭不長進也是事實呀，你就待我好好管教他吧！不要這樣遷就他～ 他就會得寸進尺的了。

華姐又說了一些老土的話回禮， 然後平和的示意覃珚亭接回電話。

覃珚亭這時心情亦平服許多，開始也覺得自己不應這樣說太多意氣用事的說話，傷了家人的心。

覃珚亭接過電話回道：daddy，到blue此啊～此司，daddy李用長道打電話來，花了時賤和賤前為禍棧故示，禍好應該用心丁的… 還有劉思苦也腰心蛟到過禍，禍也應凱跟他巧巧到這才離開才對…daddy李腰花就花禍吧…！(破爛國語)

覃老爺：我當然要罰你啦，我要叫華姐教訓你...叫華姐聽電話！

覃珚亭尷尬苦笑：蛇魔？由腰打禍？…不腰啦⋯⋯(破爛國語)

覃珚亭緊張與華姐對望，戰戰兢兢把電話交給華姐，華姐就接電話用國語：老爺，不要生氣啦！

覃老爺命令：華姐，你去大力的～大力的～打亭亭屁股，要他記得今天他所犯的錯！

華姐也愛莫能助地看着覃珚亭，用國語：知道了，老爺！

華姐和覃珚亭好像已經很有默契，他們互相打眼色，覃珚亭準備雞毛掃給華姐，華姐就狠狠地用雞毛掃打響梳化，覃珚亭就挨着牆壁雙腳橋起就配合，發出慘叫聲＂ 哎呀...哎呀...好痛啊＂，華姐一邊打梳化一邊＂知錯未？知錯未？＂，覃珚亭忍著笑一邊＂裝模作樣大叫＂ 哎呀...哎呀...好痛啊＂。

這個動作已經反覆做了十次，覃老爺電話怒問：亭亭，還敢不敢不上班？

華姐用國語代答：少爺，不敢了，他會上班的。

他們這個逼真的演技很像已經令到覃老爺消了些怒氣了：夠了，不要打啦！

華姐立即停止施打的動作，覃老爺：華姐，叫亭亭聽電話。

覃珚亭楚楚可憐的模樣去接聽電話，覃老星又轉回和顏悅色，變回慈父：亭亭呀，daddy知道你怕痛，那為什麼還要打你呢，都是為了你好～知道嗎？

覃珚亭楚楚可憐：禍之到啦…(破爛國語)

覃老爺：你要乖，一定要聽話，我會跟昇霖説，你會繼續上班！你要會聽劉師博教導呀！你小時候不是都很喜歡玉嗎？劉師博是玉的專家，你要好好跟他學習呀喔！⋯⋯ daddy知道你上班辛苦～ 等我們家中的錢凍結過後很快就會把你接回我們家過返之前富足的生活， 你現在就當興趣班一樣學習學習好嗎？

覃珚亭：禍詭啦，禍之到啦…(破爛國語)

覃老爺：daddy知道你乖啦！今晚早點休息，明天要上班啦！

覃珚亭：禍詭上班啦！…(破爛國語)

覃老爺：那好，拜拜囉⋯⋯

覃珚亭：拜拜，daddy！

覃珚亭終於可以跟台灣daddy收線了，他終於鬆了一口氣！雖然他應承了台灣daddy繼續返去劉記，但他也決定告假一星期，橫掂點都會扣人工！

覃珚亭得戚地嬉皮笑臉對着華姐說：華姐，辛苦晒喇今次又逃過一劫啦，多得你炸！

華姐二話不說用雞毛掃打他的屁股，今次係來真的。華姐：好心你啦，唔好成日要我包庇你啦，你睇吓梳化都打爛啦！

覃珚亭一邊初着自己的屁股反駁：好痛啊，乜野喎！係你唔捨得打我咋嘛，我都唔覺得自己有錯。華姐，你都唔覺得我錯㗎，如果唔係又點會包庇我喎！

華姐指住覃珚亭：下次真係唔鬼幫你，我真係打落去，到時你就真係嗌得逼真啦！

覃珚亭嬉皮笑臉地：嘻，下次先算啦！

華姐好奇：點呀，你係咪真係返返劉記上班啊?

覃珚亭斯斯然直說： 總之過埋呢個禮拜先算啦，下個禮拜…嗯，或者啦！

然後他就洗澡走進房間了。

這個時候，遊子風也回到了他的家， 他的家位於佐敦彌敦道一條小巷中， 爬上五樓樓梯其中一個單位裏面的其中一個單位。

本應是疲累的一天但他面上卻沒有一絲的倦意， 不過面上就沒有什麼笑容。殘舊的樓梯昏暗的燈光， 轉上了五樓還聽到了很多古怪嘈雜的聲音， 他拿出鎖匙拉開了破舊的木板門，一打開門，這單位並非只有一個住客，似乎還有多間簡陋的房間出租的。門後立即傳來了一把女孩愉快的聲音： 大藝術家，你返嚟啦！ 食咗飯未呀？我煲咗糖水呀！

遊子風平淡回應：唔使喇我已經食咗晚餐， 不過糖水我倒唔介意～ 你嘅手勢令我有食慾！

這時候這位長相清純的女孩，看樣子應該只是個中學生。已經迫不及待到了一碗熱騰騰的紅豆沙放到他面前“ 我哋嘅大藝術家～ 使唔使我餵你呀！”

遊子風冷淡但微笑說：唔使啦～

“你睇下～ 我買咗條新嘅腳鏈呀你話靚唔靚呀？” 這是這位身穿睡衣的女孩把睡衣微微拉開，露出過膝頭的雪白雙腳。

遊子風面對可愛清純女孩這樣獻殷勤仍然冷靜平淡：喔！好睇！係包租婆買嘅？

女孩甜笑：係呀，係媽咪買俾我㗎？遊哥哥，星期四有新電影上，不如陪我睇電影囉，好嘛？

遊子風婉拒:星期四唔得閒，我有三份兼職要做， 而且呢排我要同一個朋友街頭買唱。

女孩失望:吓，星期四唔得，咁不如第二日囉!

遊子風婉拒: 呢排都唔係咁方便呀，我每晚都同人要去唱歌呀!

女孩撒嬌: 我唔制呀，你同咩人唱歌喎？女仔呢架？

遊子風解釋: 唔係女仔，係最近識一個幾好傾嘅兄弟。

遊子風都不想說太多了， 一手拿起紅豆沙，趕快回了行房間，有意迴避女孩。

女孩見遊子風並不領情，就嬌氣的扁嘴托腮內心不是味兒，自言自語:遊哥哥，總有一日我一定會令你鍾意我。

他回到房間大寫型的瞓在單人床上，心想:我個心已經有霜霜，又點可能對Helen有非份之想呢？

但腦海又不自覺是想起跟覃珚亭在碼頭唱歌時的畫面，他自言自語： 原來多個人唱歌都會開心㗎喎…哈哈！又幾好笑～

床上隔離有個小木櫃，裏面放了一疊很厚已經寫滿了的字體的信紙， 和有一張長相很奇怪的鳥兒 插畫名叫"數斯"。突然間自言自語: 係喎，忙咗成日，爭啲唔記得要打比崔大炮呀。

遊子風拿著幾張紙，迅速離開房間去到大廳的公用電話打給同事。電話很快就接通了，遊子風認真誠懇的態度說:崔先生，唔好意思呀!現在先得閒打畀你。

"沒關係，反正今天我也很忙呀" 一把唔鹹唔淡，聲音有點成熟的蘇杭口音廣東話男聲

遊子風:明天幾點上嚟開會呀?

"明天就...十一點吧！"

"我已經搵到幾張封面插畫， 聽日畀你過目下。"

" 好呀…你做事我放心。..."

" 如果，無係咩特別聽日見啦，再見崔先生!"

"咪著，子風， 對於下年出版嘅小說設定，我想問清楚，那個是女主角是誰?決定好未?"

" 已經決定咗啦!就係"雪音"父母身份不明， 係一個孤兒， 所以無幫佢設定姓氏嘅。"

"我有些意見，希望你唔好介意， 你要唔要聽?"

"哦，崔先生有咩意見即管講？"

" 佢係孤兒不緊要...無幫佢設定姓氏不緊要... 那個雪音呢，很貌美很仙氣，個性很脫俗，這個很好我很喜歡。 但係... 女主角設定係男主角嘅師傅, 武功好過男主角，又教男主角武功，而且你又無講清楚佢大個男主角幾多歲? 然後又同男主角談戀愛，這個不好。太西方主意...! 我哋這個是中國武俠小說，觀眾唔會接受嘅，這個設定一定要改呀， 女主角係男主角嘅初戀，不可以係師父，年紀最好比男主角小或者差不多大，這個比較好。"

遊子風對小說人物嘅設定心中有數，佢好清楚點解要咁樣設定, 就想用合理的理據去游說對方:崔先生，呢個設定係我故意咁寫嘅，首先我認為愛情應該無分年齡界限，男女主角愛情已經衝破咗俗世界眼光，我唔擔心觀眾會接受唔到女主角係男主角嘅師傅，都唔擔心觀眾接受唔到女主角比男主角大啲。現在就嚟六十年代了，觀眾好多都會接受到西方嘅思想， 現在隨便一個年輕人，都好接受到姊弟戀。我都想吸納一啲新潮嘅讀者，咁樣設定反而係會吸引年輕一輩觀眾， 請你相信我，崔先生..."

"但是，你都要講清楚女主角比男主角大多少。"

" 我唔想講清楚，就係想留待觀眾自行想像，就係有啲位唔需要畫公仔畫出腸嘅， 加上女主角"雪音"係一個特別嘅女仔，佢就好似仙女下凡一樣脫俗， 又唔係庸脂俗粉。所以年齡根本對佢嚟講係唔重要，佢或者都唔記得自己幾多歲，留白係最美好。我覺得唔會因為咁就令到讀者對呢個角色印象唔好。女主角人物設定係唔使改，你擔心嘅問題，我會幫你搞得掂。放心。"

" 我都係邊意見你啫， 你可以自己參考，哈哈... 子風，你有時都幾硬頸。女主角設定可以暫時唔改， 再睇情況。你有時都幾似以前嘅我，哈哈哈哈。"

"哈哈，好啦，有咩問題聽日再商量。"

" 再見子風，早啲休息，明天見。"

" 再見，崔先生。"

兩人已經掛線，平時脾氣唔錯嘅遊子風收線那一刻好像有點情緒，佢自言自語咁講: 呢個崔大砲真係古老石山， 食古不化。 仲成日話我同佢好相似，一啲都唔似呀。

然後內心想: 雪音呢個角色人設同性格，原型都係來自霜霜。霜霜雖然大過我幾歲，仲又教我玩結他同音樂。但佢係我心目中佢永遠係好似仙女咁存在...不過，自從佢離開咗孤兒院，就好似喺我個世界失蹤咗，唔知佢依家過得好唔好呢？

就喺佢充滿情緒會想返以前係孤兒院嘅點點滴滴嘅時候。"點解傾完電話之後好似有啲勞氣咁嘅?"有位妹妹仔嬌媚嘅聲音打斷咗。原來又係HELEN。遊子風意識到自己有點情緒立即冷靜露出笑容: 無勞氣呀?我打畀同事咋嘛。

HELEN: 又係打畀嗰個八股佬呀? 我聽到你哋好似傾緊邊個係女主角喎?

遊子風：係呀，八股佬好似對我寫嘅女主角諸多意見呀。

HELEN神氣地用指公指著自己：如果你哋唔滿意女主角嘅人設，不如寫一個好似我楊凱倫咁樣嘅女主角呀? 我咁可愛，我諗八股佬應該會幾滿意呀!

遊子風摸一摸helen的頭：如果新小說入面加咗好似helen咁嘅女仔，一定好出采。我諗應該會大受歡迎。

HELEN笑逐顏開咁講：真㗎? 咁遊子哥哥快啲寫一個好似我嘅女角呀，如果出咗電影嘅話, 記得畀我演番個角色呀，我恨咗著古裝好耐㗎喇。

遊子風：好呀， 新小說入面有幾個女仔角色㗎，我一定加helen落去。如果可以成真拍電影嘅話，我一定幫你裝爭取。

HELEN 非常開心，遊子風淡淡笑著：早唞喇，我返房休息啦，你都唔好咁夜瞓呀。

遊子風就回到他的房間裏， 一邊想想今日發生過嘅事，就慢慢睡著了。