大人大種的我 行到大人的世界
我有囡仔的靈魂 我逍遙閣自在
這是台語的熟語，比起「大人 tuā-lâng」，更強調已經不是小孩了，需要表現出所謂「大人」成熟的言行舉止。因此，這句熟語，常被拿來指責人行為舉止不夠成熟，指責舉止不像成人的成人。與「「大母人大母種 tuā-bú-lâng-tuā-bú-tsíng」同義。
相關詞彙
- 轉大人 tńg-tuā-lâng｜由小孩變成大人。(不要再寫登大人了）
- 大人齒 tuā-lâng-khí｜恆齒。
- 囡仔性 gín-á-sìng｜孩子氣、幼稚。
- 囡仔頭路 gín-á thâu-lōo｜幼稚的行為、小孩子的把戲。
- 老嬰仔 lāu-inn-á｜老頑童、孩子氣的成人。
- 囡仔喙，大人口｜言行出人意料地成熟穩重、有想法。
- 大人愛趁錢，囡仔愛過年｜比喻大人、小孩各有所好。
- 大人儉一喙，囡仔食甲飫｜大人省一口，小孩吃到膩。這是老人家疼愛小孩子的用語。
- 大人生日食肉，囡仔生日食拍｜孩子的生日是母親的受難日，打孩子是提醒他母親受的苦難。小孩生日時常會藉機要求一些東西，大人就用這句押韻的話，戲謔地告訴孩子不能要求太多。
逐家凡勢攏有體會過，細漢的時，期待家己轉大人會當自由的彼一工；但是，毋知影，是對啥物時陣開始，予人講「你大人大種矣，所以你著愛...」，做代誌愛有大人款、愛會曉想、愛堅強愛獨立，袂使閣遐爾囡仔性......
轉大人了後，會當做的代誌變濟，袂使做的代誌煞嘛綴咧變濟，有時仔感覺變甲無自由。毋過，像旺福佇〈大人大種〉這條歌所講的「我有囡仔的靈魂，我逍遙閣自在，是大人嘛是囡仔，有啥物好奇怪」，燒燒的一碗來，冷冷的我嘛愛啦！
準講是大人，咱嘛是會當有囡仔的靈魂！
閣較按怎大，嘛是愛珍奶加雞排～
