為沉浸式教育自編教材：介紹幼兒園學習區規畫的唸謠。
阮的老師真正好用心教冊人呵咾
頂真規劃學習區
巧妙布置攏是寶
※※※※※※
讀冊區，故事冊人人愛
弄布尪仔，予阮笑咍咍
模仿寫字扮頭真有才
逐家攏愛這个好所在
※※※※※※
數學區內學問濟
教阮認數字、分大細
捌色水閣量長短
※※※※※※
組合區，囥柴角仔
綴流行，嘛有塑膠角仔
敆榫角仔真複雜
真正是動腦筋閣激頭殼
美勞區足好耍
手工素材逐項有
做東做西做傢俬
畫山畫水畫美人魚
※※※※※※
扮公伙仔區若阮兜
學煮飯菜有鼎灶
閣有紅嬰仔嘛嘛吼
浴間仔洗予芳芳芳
梳妝打扮媠噹噹
※※※※※※
學習區真好耍
入來就無想欲轉
定定聽到咬咬滾
尚介好命就是阮
緊來洛津孔雀班
認真學習做狀元
