百合花〈假使我是一個女人〉歌詞（白話字）

詞、曲：林奕碩　編曲：百合花（林奕碩、林威佐、陳奕欣）、蕭賀碩

罩雺罩霧 如此不幸的遭遇／發見一陣人穿烏衫攑手電

Tà-bông tà-bū, lû-chhú put-hēng--ê cho-gū

Hoat-kìⁿ chi̍t tīn lâng chhēng o͘-saⁿ gia̍h chhiú-tiān

光線佇安靜烏暗的空中飛舞／我心內咧想 心內咧想

Kng-sòaⁿ tī an-chēng o͘-àm--ê khong-tiong hui-bú

Góa sim-lāi leh siūⁿ, sim-lāi leh siūⁿ

月光淒涼 神祕的秋天暗／發見人家的門口埕 竹篙頂

Ge̍h-kng chhe-liâng, sîn-pì--ê chhiu-thiⁿ àm

Hoat-kìⁿ jîn-ke ê mn̂g-kháu-tiâⁿ, tek-ko téng

有查某人的衫披佇遐曝月娘／我心內咧想 心內咧想

Ū cha-bó͘-lâng ê saⁿ phi tī hia pha̍k ge̍h-niû

Góa sim-lāi leh siūⁿ, sim-lāi leh siūⁿ

＊

假使我 假使我是一個女人／敢會有 敢會有無仝的前程

Ká-sú góa, kà-sú góa sī chi̍t ê lú-lîn

Kám ē ū, kám ē ū bô-kâng--ê chiân-têng

假使我 假使我是一個女人／會變成啥物款的處境

Ká-sú góa, kà-sú góa sī chi̍t ê lú-lîn

Ē piàn-sêng siáⁿ-mih khoán--ê chhú-kéng

頭鬃長躼躼毋敢去剃頭／恐驚會去予熟似的人認出來

Thâu-chang tn̂g-ló-ló m̄ káⁿ khì thì-thâu

Khióng-kiaⁿ ē khì hō͘ se̍k-sāi--ê lâng līn--chhut-lâi

假使穿查某人的衫假做啞口／我心內咧想 心內咧想

Ká-sú chhēng cha-bó͘-lâng ê saⁿ ké-chòe é-káu

Góa sim-lāi leh siūⁿ, sim-lāi leh siūⁿ

哪著覕 哪著藏 何必艱苦罪過／閣再躊躇誠久的時間才決定

Ná-tio̍h bih, ná-tio̍h chhàng, hô-pit kan-khó͘-chē-kòa

Koh-chài tiû-tû chiâⁿ kú--ê sî-kan chiah koat-tēng

偷提兩領花洋裝 合軀合軀／我心內咧想 心內咧想

Thau the̍h nn̄g niá hoe-iûⁿ-chong, ha̍h-su ha̍h-su

Góa sim-lāi leh siūⁿ, sim-lāi leh siūⁿ

＊＊

_{2024年發行於百合花《萬事美妙》。}

_{〈假使我是一個女人〉取材於白色恐怖受難者蔡志愿的故事。}