2026年呢個世界已經發生左好多事。我覺得今年會係一個奇怪既一年，應該有好多估佢唔到既野發生。
雖然啱啱先喺泰國番黎，但係我已經忙到九彩。。。而且最近有好多內心既掙扎。我覺得自己無法再同員工糾纏落去，當初開舖，係為左自己開心，但係過去咁多年，我為左員工搞到自己好煩惱，我又唔係話唔想做，但係我就係唔知點做。因為我唔想micro manage所有人，但係我發現大家都需要被micro manage，例如，之前同你講年紀比較大嗰個散工王，佢已經整爛左三盞燈，你整爛野唔緊要，唔該你講聲吖，我都同佢講，我最憎surprise，唔該我唔想每次番工都發現有野爛左呀。。。仲有，叫佢掃塵，佢同我講睇唔到有塵點掃喎！哇唔該你求其同我講佢OK咪得囉，你唔好博我嘴啦，除左炒你之外我唔知點樣回應你呀大佬；跟住，平時唔忙佢喺鋪頭玩candy crush喎，跟住我話你唔好玩ipad，佢話如果佢唔完ipad無人入黎喎。。。大佬，又係，你話唔玩咪得囉，你唔好成日咁講野啦。。。
另外一個19歲女仔，我其實好鍾意佢，但係比較內向，人工比較高但係賺唔到錢。。。唉。。。其實好難，就算我點樣訓練你，你都好難由一個內向人變成一個外向人，或者可以，但係我自己用左10年時間先鍛鍊好。。。s
