我的台語文

其實我的台語無輾轉，除了逐家較袂曉的「寫」，閣有「講」。好佳哉我會曉查詞典，佇「臺灣閩南語常用詞辭典」的網站，毋管用漢字抑是台語羅馬拼音，攏會使揣到阮欲愛的字，按呢捌字就較無問題矣！

2021年初，我才開始認真學台語，嘛有報名彰化師大的進修課程，目的就是欲參加一年才一次的台語文檢定，這次我誠幸運有通過中級，差10分才有中高級，我就愛繼續拍拚，期待後年會使提著「中高級」的認證。