難忘 ê 滋味 創作日期:2019/02/28

會記得頂禮拜去去考高師大ê台文所，beh去 ê 前一工放輕鬆， koh用彈鋼琴ê 方式來幫贊家己 khah 平靜 --leh!

想講按呢 khah bōe緊張，結果到beh 考試 ê 現場，後一ê 就beh輪著我ê時陣，腹肚soah 雄雄疼 -- 去 - 來。邊仔的兩个姊姊講我可能傷緊張，hit時ê我足想beh 衝去便所。

換我--ah!腹肚滾絞ê 我心一直phi̍p-pho̍k-chhái。教授請我坐落--來，就開始問問題。先自我紹介 kap講是按怎beh來考台文所。Soah--落來就問我讀過啥物冊，我就講：有讀過李勤岸教授、陳明仁教授、林央敏教授、蔣為文教授，koh有金花老師ê 冊。教授問我講：我受著tó一位作家上chhim， 我共講是陳明仁老師。

我有寫一篇，歡喜鬥陣，就是用伊ê 手路，共我所想ê故事寫--落去--ê。好佳哉平常時我有讀冊，就像人講 ê，有讀有保庇，抑無可能就講bōe --chhutut來--ah！教授看我做資料，問我對教學ê看法 kap做法，koh有受著啥物人ê影響。

我講：我的台語老師是金花老師， 我用伊ê創意教法， ex：食 Pizza、放煙火頂頂，iáu-koh 有我家己 ê創意尤其是歌謠，koh有予gín-á學台語羅馬字輕鬆koh bōe lāi-ūi。因為，用老khok khok ê方法連我家己嘛學了會siān。

上bóe，chhun 1 分鐘 ê 時間，教授請我 jîm 一首我寫ê詩：

音樂音樂真趣味

親像炒菜的香味

Melody實在有夠媠

音色伊嘛真甲意

聽官講是好聽詩

逐家聽甲笑bi-bi

我用這首詩來結束我ê 口試，實在是一 ê 難忘ê 滋味!