【懶人發酵–上班族必看】-Oceana Bakery
2022/06/23閱讀時間約 1 分鐘
香港人平時又要翻工，翻到屋企已經係夜晚，邊有時間抽出完整嘅時間揉麵團、發酵同烘烤呢？
唔怕！小編話你知！上班族都可以自製麵包！極度推薦你地用「冷藏發酵法」，第一日夜晚攪拌麵團並放入冷藏，第二日拎出後只要整形同最終發酵就可以放入焗爐喇！
冷藏發酵除左可以靈活安排時間之外，麵團長時間係恆定嘅低溫環境進行基礎發酵，可以令水合同熟成更加充分，唔單止延緩麵包老化速度，同時可以長時間保持鬆軟溼潤的狀態，也能提升麵包的風味，更有層次！除了一般家庭，現在也越來越多麵包店會使用冷藏發酵法哦！
小編今日整理左冷藏發酵法嘅6大必知重點，睇完聽晚即刻試下啦！
重點一：冰箱嘅溫度
家用冰箱一般溫度係2-4度，如果隔夜冷藏嘅話建議12-14小時，避免過度發酵
重點二：酵母使用量
如果係歐式麵包隔夜冷藏法 乾酵母量須減量，如果係吐司等甜麵包，就要睇情況少量增加酵母量。
重點三：所有麵包都可以冷藏發酵？
No no no，視乎配方而定。但冷藏發酵嘅麵團係使用前要係室溫下放置回溫，麵團中心溫度升到15度再進行後續操作
重點四：冷藏發酵嘅用法
麵團攪拌好必須係室溫發酵約30分鐘(視麵團大小而定)，再放入冰箱隔夜冷藏。由於酵母係溫度4度以上先會開始工作，28-35度係最活躍嘅時候，係4度以下會開始休眠。若省略第一步驟嘅室溫發酵，後續嘅冷藏發酵可能會失敗
重點五：冷藏發酵就係中種？
冷藏發酵唔等於中種，中種係成個麵包配方嘅一定比例，提前冷藏一晚完成發酵，第二日再加入主麵團攪拌，而冷藏發酵係麵包嘅第一次發酵係冷藏中完成
重點六：冷藏發酵會失敗？
如果一開始冇事先進行室溫發酵，可能會導致酵母無法工作而失敗。另外如果冷藏發酵就係發唔起，都可能係因為酵母失去活性
留言0
查看全部