EE邀請我參加「裸體晚餐」，強調是「純女性」喔！「別人才不會想入非非。」
「為什麼吃晚餐時要裸體呢？」是我無了解的所在。「訓練女性能夠自在地在其他人面前裸體，面對自己真實的身體。」約量仔是這个意思，橫直我無捌聽捌過。
「除了吃晚餐之外，還要做什麼呢？」總是有「活動內容」吧！
「做什麼都可以，只要能將衣服脫下來，就很有意義了。」我猶是聽無彼是啥物碗糕，想到最近幾若年，我佇厝內的時，定定干焦穿內褲行來行去，嘛定定去泡大窟仔的溫泉，無穿衫的，咧查某人的面頭前無穿衫，對我來講應該無問題。
我按照時間到，提著管理員遐換來的門卡，攄入去大門，閣攄電梯起去。開門，幾若个查某已經佇厝內面。主人接過我手捾的一人一菜，我當咧褪鞋仔，有人講：「脫吧！」逐家行去後面的房間，「妳們可以到房間裏脫衣服，將東西放在椅子或桌上。」EE講煞，家己行去房間褪衫。
轉來到食飯桌仔，桌頂的碗箸已經擺好，逐家共家己紮來的大條毛巾苴佇椅仔頂（皮膚袂直接沐著椅子），夾菜、貯飯、提麭攏家己來，逐家開始食。講話嘛！紹介家己開始，每一个人簡單講家己予逐家熟似，EE咧推廣天體營，嘛講一寡仔參加天體營的經驗，我無參加過，嘛無想過將來欲參加。
「妳真的不想參加嗎？」Ａ問我，想欲閣再確定一擺，伊講伊參加過誠真擺，真佮意。
「到目前為止沒想過。」是我的回答。
「很好玩，很舒服，在大自然裏才舒服，室內空間狹窄，若不是EE邀我，我是不會來室內的。」
若問我對在場的其他人的裸體，抑是我家己的裸體有啥物感覺？無啥物特別的感覺，我感覺誠自在，一半擺仔看到對面的，伊胸前的奶垂落來，目尾使著邊仔的腰真媠，猶有我家己的腹肚大大粒，大腿粗粗……，毋管形狀如何，攏無人講到家己，抑是別人的身軀媠歹，佗位好，佗位無好。
紲落來，有人講到查某人對家己身體的感覺，對性的感覺佮看法，來參加的敢若攏是中年女人，咱生活咧保守，閣退勼的環境中，有誠濟逐家攏當做當然的想法，面頭前拄著的障礙是啥物？已經無「生育價值」的中年女性欲按怎去面對，佮開發對家己身軀的感覺，抑有對性的需求？
講話繼續進行，EE講起伊佇台北的一个咖啡館執行過的「裸體喝咖啡」。揣一个願意配合的咖啡館，咖啡館佮主辦人以in家己的人際關係，佮用面冊發消息，欲來的人來，欲褪衫的人褪，無褪嘛無要緊，佮裸體的EE同齊啉咖啡，講東講西開講，一般的人客入來看著，會講一聲：「在辦活動喔！」就隨人坐落來，做家己原本欲做的代誌，啥嘛無攪擾啥人。
EE嘛想欲佇高雄執行這个活動，講矣講，雄雄發現現場有咧做身心靈工課的人，「我們一起來合作。」逐家十喙九尻川講出隨人的想法，想欲按怎進行？
「嗯！可行耶！很特別。」EE的目睭內底發出熱情的光芒，誠有興頭。
紲落來，這个活動欲號啥物名？仝款原來的「裸體喝咖啡」？Ｂ加一段足巧的話：「不只眼睛看裸體，他自己也體驗了裸體。Ｃ這個優秀的身體工作者只要一摸就知道他／她身體的狀況，也讓他／她感覺到自己的裸體；心的方面，諮詢師會讓他／她看到真實的自己，他／她也得面對心的裸體……，最後和裸體的EE一起喝咖啡，他／她可以裸，也可以不裸，裸的人會給一份獎品……」哈哈！足讚耶！
逐家愈講愈歡喜，興頭愈懸，原本活動預定的時間到９點半，結果10點半才煞場。我捾賰的菜轉去，主人要求的，伊嘛食袂了，佮對未來的想像，抑有滿滿的收成離開。若講著查某人的身軀，我無啥物印象，無看清楚耶！
後註：
EE本名阮仁珠，是行為藝術家，以「裸」做主題，是我咧高雄女性寫作班的學員，伊交的第一篇作業是「女性裸體晚餐」的活動簡章，計劃是佇細間的餐館辦。幾若年後，我佇左營稅屋，問伊裸體晚餐辦過無？伊講無，我講我有場地，咱來辦。就佮伊同齊辦。
其實這場活動我是主辦人之一，這篇是我用參加者的角色寫的，較好耍，這是第一場。紲落來辦幾若場。2012年台北工作室成立了後，逐個月佇台北、新竹、高雄攏分別安排一場，有人報名就來辦。
台北的，有女同志專場，同齊辦的伙伴招伊熟似的跨女來參加，嘛有討論過跨女會使參加無？結論是會使。有人參加幾若擺，就增加其他的活動，像有人咧劇場做工課，𤆬逐家做身體的活動，足趣味耶！
（2011/10/17原文登網氏／罔氏女性電子報，作者：丹寧，台文翻譯完2026.4.8.）
https://bongchhi.frontier.org.tw/archives/15085
查辭典, https://sutian.moe.edu.tw/zh-hant/
