由「請食飯」睇吃虧是福｜人類觀察研究見習日記#3

吃虧是福老生常談，表面看似吃虧，其實以結果睇係得到（更多）。

不過會信嘅人大致分兩種，一係就覺得老話總有幾分真，一係就從根本了解當中運作關係。

就以「請食飯」作例子，除左本身比較大方豪爽嘅人，大部分會請人食飯目的一係就求人， 一係就多謝人，當然咁樣係冇問題，呢個世界本來就係講利益交換。即使唔係每個人都捨得，其實就算從功利角度出發，主動請食飯（非求人或答謝目的）呢個看似「吃虧」嘅行為，實際上有好利益。

話說，公司有個高層，由我地幾個下屬入職以來都冇主動請過一餐便飯，真係連茶記價位嘅lunch都要求AA，當時侯我好驚訝，喺度諗佢唔會覺得好尷尬嗎？OK，只要你唔尷尬，尷尬嘅就係人地（即我）。當然，請係人情，唔請係道理，但其實一兩餐飯都唔做下樣實在係有夠低格局同短視。

請人食飯呢個動作使你幾多錢？尤其是你都做到咁尚下職位，請幾個人食一餐兩餐除左可以展示下作為管理者嘅氣度，又可以留下唔計較好印象（唔使你真心），令我地呢啲初出茅蘆嘅人覺得「果然係老細」，哈哈。佢呢種茶記AA模式其實係贏粒糖輸間廠，格局由你幾「捨得」起跳。

落返嚟唔講老細級別，如果係一般人，除左可以表示下你嘅「大方」（做樣），亦可以試到對方「人品」（識唔識回禮），如果你請人食幾次飯，對方都全單接受，亦冇主動AA，但永遠唔識請返你一餐半餐，咁樣可以唔使再見。錢（利益）好易睇到一個人個本質。

以上例子都係從功利角度出發，因為絕大部人皆為利往，本身大方嘅人係好稀有，但往往呢種人會獲得更多。