女學生刣人事件

A擴嬸半暝起來便所ê時陣，有聽著細細聲ê iⁿ-iⁿ吼，無成貓仔；taⁿ，透早運動經過chia，想著昨暝ê怪聲，chit-má愈聽愈成查某囡仔teh吼，有時慼氣……彼間破厝真久著拋荒，kám講？伊緊敲110……

『228連假去哪玩？』

『嘿！這個！課本上有，我們都沒去過！』

三粒頭chiⁿ過去看手機仔頂ê網頁。

海池一支手提手機，mā無袂記得另外一支手去so穎子ê掌；

『司令要塞、舊海港市政府，有歷史意義的景點吧！』海池講，『我們可以第一天晚上到海港市，第二天去逛海港倉庫，吃海港美食，第三天來個豐富的，知性、歷史、人文之旅，從司令要塞，走殺戮路線，一路殺……殺到就海港市政府。』

『然後？四天誒！』妙如講。

『我找……看，』妙如ê男朋友翰賓應聲，『這個！---沒人敢挑戰的海港市最厲害鬼屋---，第三天晚上，去住一晚！絕對刺激！』

一聲肉聲真響，妙如大力ùi翰賓結實ê肩胛頭搧$--$落去，『什麼鬼屋啦！神經！』

翰賓gī-gī笑，『鬼屋住一晚又不用錢，還可以上傳IG 、YT賺點閱勒。』伊kā手機仔面展予逐家看，真濟網頁lóng有寫著彼个傳說有鬼ê老厝ê故事；有$--$ê甚至有寫出無完整ê地址。

『有道理！反正去哪些歷史景點都很陰，都死人的啦。你們兩個女生，誰八字輕啊？』，海池kā潁子幼麵麵ê手扲絚絚，kā翰賓ê意見贊聲。

『認真？』潁子用閒手kā家己ê手機仔提--出來，『Hi! Siri! 請給我海港市的衛星空拍圖。』

『喔！』『媠喔！』

妙如講，『我要先叫我阿嬤去廟裡求平安符！』

海港市上厲害ê鬼仔厝

2006/5/20

海港市有一間上厲害ê鬼仔厝，ùi民國五十年著拋荒到今。當地人lóng知影hia有發生過代誌，代誌發生一冬以後，原地主kā地賣$--$掉，新地主欲起樓仔厝，倩人來做工程，逐擺到欲拆彼間舊厝ê時陣，機器著故障，2、3擺了後，也有請道士、和尚來做法，mā是無效。工程袂振動，地只好閣賣予後一手，結果，mā是仝款。最後ê地主是啥人無蓋清楚。半暝lóng有人佇彼搭看著查某鬼；厝就拋荒到今，地mā發草發kah。

海港市ê鬼仔厝

2008/4/18

無kā恁騙！我有去hia蹛一暝，有親目看著彼个查某鬼！我緊走，佇遠遠用長鏡頭kā伊翕！相片逐張都烏烏！毋相信？恁家己去hia過暝！足恐怖lah！查某鬼直直哼呻！！！

海港市ê鬼仔厝

2008/6/12

彼間厝上恐怖ê所在，就是連流浪漢mā毋敢去蹛！我khah早做社工ê時，訪談過幾个流浪漢，in lóng講捌佇hia，驚kah半小死，半暝著緊soan溜ah。

全台鬼仔厝排名

2014/7/9

第一名是海港市ê鬼仔厝。Ùi民國五十年著拋荒到今。當地人lóng知影hia有發生過代誌。第一名ê原因是因為伊上古早，上陰，地主換十幾个，新厝永遠起袂起來。商圈附近，草仔發上濟ê空地hia ê舊厝就是，好膽你著來，毋過我勸你莫！

『誒！誒！網路上都說成那樣了，晚上真的要去鬼屋探險喔？』妙如用假鬼假怪ê聲嗽kā逐家問。

『不要想東想西好嗎？小如如～』喙鬚無剾ê翰賓，看$--$起來比180 ê身懸koh較高長，chhun手kā 150 ê妙如頭殼挲挲--ê。

『到了，到了！我們殺到第二站了！』海池講。

海港市ê舊市政府是一棟有古味ê矮樓仔，兩層懸。是歷史慘案發生ê所在，chit-má改裝做博物館予逐家追思。

『阿！我頭好暈，有誰跟我一樣？這裡陰氣好重喔。』

四个人行入大門，來到大廳，海池假影伊teh頭殼眩，koh做出強欲跋倒ê動作，弄kah眾人嘩嘩笑。『你夠了喔！』一向袂愛講話ê潁子mā起ài笑；伊真愛海池擽伊ê心。

四个人寬寬仔嘻嘩ná看一寡掛佇壁頂ê解說，行到一角勢，對面來五、六ê人，上頭前hit-ê蓋成是導覽員teh kā人說明一寡歷史。『……光復後……』

『他說什麼光復後誒！』

四个人聽著導覽員teh講話，聚集起來嗤呲，參詳好勢。

『光復囉！耶！』『光復囉！耶！』

海池、潁子佮妙如三个人雄雄傱到導覽團ê頭前，同齊喝出聲。海池ê動作特別譀，毋但伐步走koh像牛teh lōng，順紲koh跳起來踅一輾。

三个人傱到斡角仔一條走廊欲倚偏門hia，翰賓雙手攑到胸前，做出一个攑銃ê動作，『噠！噠！噠！噠！噠！噠！噠！』，『阿！阿！阿！』，海池、潁子佮妙如un落去塗跤，倒$--$leh，海池koh peh--起身，『光復萬歲！哭爸！我死矣！』隨koh倒loe̍h。

導覽員面腔真歹看，kā in四个人睨。

一个阿伯仔徛$--$出來，「恁án-ne是teh創啥？」

『規矩！』「無尊重！」『禮貌！』「學校無教nih？」

三个人起身pōaⁿ-pōaⁿ--ê。

四个人一句話都無講，緊soan；到大門外，笑kah反$--$過！

『那個解說員的表情！我真想在他臉上補一拳啊！』翰賓ná笑ná擛拳頭拇。

『誒，你男朋友超誇張！』妙如笑kah歪腰對潁子講。

『光復萬歲！哭爸！我死矣！光復萬歲！哭爸！我死矣！』海池繼續表演，尖聲、低聲、梢聲，弄kah朋友笑咍咍。

踅夜市，暗頓食了，七點過，in來到目標ê彼間鬼仔厝。

『假期不能留下美好回憶嗎？不能像前兩天一樣住旅館嗎？一定要在這邊住一晚嗎？』

『如如，不要擔心！那些都只是傳說，我們四個人在一起有什麼好怕的？有鬼，我就打爆他！恁爸可是空手道黑帶！』

月光佮城市ê電火，予悽清ê空地有一片光明。

踏過大粒細粒ê石頭崎嶇路，poe̍h開無名ê野草，總算來到拋荒ê舊厝門口埕。

無鎖ê門，捒- -leh就開，土米沙仔佮一寡毋知名ê hu 隨落落--來；門內暗趖趖。

海池跍落來kā揹仔囥踮塗跤，『手電筒、野營燈，我都準備好啦！』

『你的褲管上黏了好多痟查某。』海池看著潁子ê褲跤真濟草仔子，順勢著kā hia-ê草仔子一粒一粒挽--落來。

妙如貼過去潁子ê喙䫌邊，『誒，你也黏到海池的褲子上好了！』，潁子ê面隨紅絳絳。

舊厝內底無鬼仔ê跤跡，毋過有真厚ê坱埃；四个人提手電炤，恬恬行過走廊、經過大廳，有看著thàng到二樓ê樓梯，柴枋漚爛，in驚危險著無上樓；大廳後壁一間房，手電炤著內底一張紅眠床，『阿！』妙如掣一趒， 『不要進去哪個房間……』，伊用蠓仔īⁿ ê聲音kā逐家講。

『還好我們有準備睡袋。露營的器具也都有。我們就在客廳過夜吧！』，海池用肅穆ê聲嗽kā逐家吩咐。

佇塗跤創好chū巾，野營燈點to̍h，用細ê ê gá-suh爐kā泡麵煮好，一人一碗，koh切好四粒柳丁；海池真無閒teh服務逐家，露營ê氣氛真厚；翰賓手提一台細台機器teh無閒；伊自in踏入鬼仔厝著開始錄影；koh有kā妙如品講，等下欲佇大廳拍幾套空手道ê型，欲kā迷信佮傳說lóng拍予破。翰賓心內想，這擺鬼仔厝探險ê記錄，定著會使唌真濟人來訂伊ê YT 頻道。

『試膽大會現在開始！我要來講鬼故事了！』海池宣佈。

『不要怕！我保護你！』翰賓kā妙如攬--過來。

海池ê鬼仔古真恐怖，予兩个查某囡仔吱吱叫。第三ê鬼仔古tú開始講無幾句，妙如規仙人硬掙，坐kah直直直，『那是什麼？』，伊kā聲音壓kah足低，四个人soah lóng聽kah真清楚。

翰賓看對海池in後壁去，有一个紅影。

海池ná越頭ná講，『陳妙如，你在增加什麼氣氛的啦。』

潁子mā欲越頭去看，海池雄雄kā伊攬牢，『不要看！』

翰賓kā本成囥佇塗跤teh錄影ê機器提$--$起來；欲翕hit ê紅影；紅影已經來到，是一个查某鬼！妙如緊猛徛--起來，大聲吱；翰賓向前，出拳著ùi查某鬼ê胸坎舂，查某鬼幌兩ê，伊koh舂，koh舂，查某鬼哼出聲，『看我的頭槌！』，翰賓雙手掠查某鬼ê肩胛頭，先用跤頭趺ùi鬼ê腹肚挵--落去，紲--來kā捒去倚壁，頭殼大力著ùi鬼ê鼻仔摃--落去！

親像銃桿撼頭殼án-ne。

查某鬼倒落佇塗跤。

毋過翰賓soah無停止挵頭殼ê動作。伊繼續挵，親像銃桿大力撼；挵kah頭殼破，袂輸銃桿撼人撼kah裂巡。

規个壁頂lóng是塗沙攪血，膏lí膏so，是烏tò͘紅ê水沖寬寬仔流--落hiah-ni̍h媠款。

潁子驚kah規身軀冷冰冰teh顫，伊無看著鬼，干焦看著面頭前兩个人起痟ê範勢趒起來徛，翰賓kā妙如舂倒佇塗跤，伊家己挵壁挵kah昏昏死死去。

潁子欲扲海池ê手，一个越頭看，海池毋知當時徛--leh，查某鬼跍teh kā伊欶𡳞鳥。

潁子心狂火著，水果刀仔sa--leh ùi海池ê 𡳞鳥剁--落去，長長ê物件飛出去落佇塗跤。

『渣男！爛人！』潁子大聲詈；攕、攕、攕，koh攕，liô、liô、liô、koh liô；海池ê哀聲若細。

查某鬼佇潁子ê耳仔邊歕風，「Lí tio̍h-sī góa……」。

向時，查某囡仔kā兵仔ê lān鳥咬--落來，兩ê阿兵哥kā伊搝--開，攑銃桿摃，用銃鋩攕，死ê時，身軀幾若十空。

海池ê十枝指頭仔lóng噴去落佇塗跤；兩支褲跤中央血tò͘$--$出來，koh滴落佇地板，厚厚ê坱埃，凹一窩洘洘湠--開。

潁子清醒--ah，看著三具死屍；伊軟跤跪落，大聲笑、大聲哀叫。

A擴嬸報案了後，透早六點半，黃帶仔著佇舊厝邊仔搝好勢--ah。救護車佮警察車來到，記者mā齊來。

『228連續假期到了尾聲。您有好好享受假期嗎？』

『為您插播一則最新消息。海港市昨天半夜驚傳命案，一名品學兼優的女學生忽然發狂似的殺死了三位同學。命案發生地點在海港市著名的鬼屋。我們現在連線現場記者。』

『好的。各位現在所在的位置就是昨晚發生命案的地點，在我身後的就是海港市的著名鬼屋。現在……女警扶著女學生走出鬼屋的大門了……』

『你功課那麼好，為什麼殺死同學？』『你怎麼殺死他們的？』『殺人有什麼感覺？』

潁子面對幾若十枝mài-khuh，雄kài-kài嚷出聲，『你們什麼都不知道！你們什麼都不知道！Lán tio̍h-sī in，你們知道嗎？』

負責鑑識ê警察kā攝影機錄ê物看了。

「Che報告欲án-chóaⁿ寫？是起痟？抑是精神分裂？」

創作後記

⭐

佇 1970s - 1980s 年代ê時，一寡所謂本土ê華文書寫有一个現象：華文敘事、台語對話。Ia̍h就是講，人物ê對話是「台語--ê」，但是書寫敘述ê主體是「華文」，chia-ê作家包括王家祥、楊青矗、東年、王拓……等等。 為著kā這个現象倒剾正洗（因為有人掠chia文學創作做證據，講台語無法度敘事），lán刁工佇這篇小說內底安排台語敘事、華語對話ê雙語書寫。 Mā ài請讀者斟酌，佇華語對話包圍內底雄雄puh一句ê台語，是beh hō͘ 逐家思考ê所在。

⭐️

這篇小說跟228有關，但不是直接到可以明顯看出關聯的那種。 比方說結尾段，如果讀了有感受到血腥跟可怕；其實也就感受到228了，那個時空的人不也一樣在血腥中感到恐懼嗎？ 我用了一點架空的手法，把228元素轉型成另外一種呈現；對歷史比較熟的人會比較容易讀出來。

另外這篇小說有向電影厄夜叢林和台灣民間故事林投姐致敬。 一直錄影的攝影機，最後錄到恐怖的事情，是跟厄夜叢林致敬。（也是在暗示228不會船過水無痕，一定有某些證據被留下）

四個人進到鬼屋，死掉三個，女鬼完成復仇是林投姐的故事。原來版本的故事是這樣的：林投姐含冤，最後藉著一個人的身體進到仇人家中大開殺戒。 最後活下來的人就是把另外三個人帶到鬼屋去的，女鬼是完成復仇，他不是亂殺，要不然小說前面提到的流浪漢只有被嚇跑，都沒事呢。 女鬼是死在228事件中的，被殺掉的三個人是當年殺死女鬼的阿兵哥的轉世。最後唯一活下來的女主角的反省：女鬼對他說「Lí tō-sī góa (你就是我)」，女主角最後對記者吼「Lán tio̍h-sī in (我們就是他們)」（他們指的是228受難、遇難之後的所有台灣人）。

228大屠殺，三月才開始。