Shiva gehört zu den Big Players im hinduistischen Götterhimmel, zu den Großen Drei: Krishna ist der Schöpfer (Liebe), Vishnu ist der Bewahrer (Ordnung), und Shiva ist der große Zerstörer, der alles in Schutt und Asche legt, damit alles wieder von vorne anfangen kann.印度教有三位重要神明，Shiva 是印度教眾神上重要 ê 神明，另外兩位是創造者（愛） Krishna 佮守護者（秩序）Vishnu，Shiva 毀滅者，伊 kā 一切成做斷籬倒壁，然後重新開始。
作者自身是外國駐派記者，駐派過南美洲、中東、印度，印度是伊駐派上久長 ê 國家。1968 年作者 17 歲伊跟綴斯當時上時行 ê 文化按德國一路坐便車到印度搜揣 Hermann Hess 充滿靈性交開悟 ê 世界，tī 這段那坐便利那感受 LSD（迷幻劑）帶來 ê 神奇世界，伊總算來到充滿神、和平、愛Siddhartha（華譯：流浪者之歌） ê 國度，印度。
Tī Siddhartha ê 國度伊無想 bueh 轉去西德，無想 bueh 轉去西方，伊 kan-ta 想 bueh 永遠停跤 tī 伊四序 ê 道場，逐日冥想解脫超越。一日當伊恬靜踮伊上愛 ê 花園冥想，伊聽著這个聲音 Gehe nach Hause. Und werde Journalist!（轉去厝並成做一位記者），成做伊人生上美好 ê 超越交解脫，起因記者 hōo 伊伐過半个地球，感受豐沛 ê 人生，並享受攑筆自在閣自閉 ê 孤寂，準做伊討厭電腦拍字意愛手寫字。
作者囡仔時想 bueh 做詩人，伊 ê 阿爸聽伊按呢分張隨搧伊喙䫌。當記者行踏 Shiva 廟回想這段冥想，我 mā 翻頭愖囡仔時 tuì 芋仔爸講 ê 願望，「我大漢 bueh 做畫家」，芋仔爸講「做畫家真好，不而過彼做興趣較好。」，這久翻頭去想，我真幸運無 hōo 芋仔爸抉喙䫌，紲落來迵過冥想來說服家己 ê 夢想。以上是我個人 tuì 作者冥想 ê 想法。
這本行跤花錄 tshan-tshiūnn 作者向 Blond Gift（致命吸引力）一位出現 tī 印度白領階級派對，綿爛 m̄ 向作者分張伊 ê 職業 ê 英國女子，「我本底按算寫遊記，押尾成做自我搜揣記」，mā 確確實實照這个方向行，自 New Delhi 到因為 Beatles 成做 Yoga 聖地禁酒、禁肉 ê Rishikes，印度徒洗呔輪迴聖地 ê Varanasi，充滿衝突卻有個性 ê Kalkutta，每一个角勢齊是一段輪迴，齊是一段人生，齊是一段冥想，像 Ganges ê 變化，伊自源頭 m̄ 捌改變自來 ê 家己，改變 ê 是交伊相放伴 ê 風景，像搪著工廠相放伴 ê 河岸，伊 mā 順環境翻身成做五彩十色 ê 水源。恆河是人類四常輪迴 ê 延續 mā 是生交死 ê 相放伴。恆河 mā 若人類 ê 慾望，無論偌爾仔七彩十色，無論創造偌 tsuē 神奇，終其尾猶是泅入孟加拉灣（Golf von Bengalen）。像作者本籍德國人，伊 ê 前世今生永遠離 buē 開德國歷史，準做伊自認伊 ê 前世是印度人，準做伊認為 ê 詛讖是基因遺傳，搪著輪迴說猶是離 buē 開德國人 tuì Roma 人 ê 迫害。簡單一句，輪迴說 buē 消失，失去 ê 信仰有新 ê 宗教來支理，無論佗一項齊捙拚 buē 過上古 ê 創始者，像人類 ê 願望，向望按神得著平靜，卻 buē 記得自身 ê 滿足是神送 hōo 咱上大 ê 平靜。 咱自身就是 Shiva，咱創造家己 ê 世界 mā 毁滅家己 ê 世界。
這是這本書內底我上佮意 ê 一段話：
Du fragst dich, ob du noch an Gott glaubst?
你問你家己，你敢有相信神？Ja.是。
Fragst du dich auch, ob du noch an Hunger glaubst?
你 mā 問你家己，你 ê 大腸敢有繼續告小腸？
Wie meinst du das?
啥物意思？
Na, glaubst du ,dass es Hunger gibt? Das Gefühl des Hungers, den Zustand des Hungers?
諾，你想彼敢是枵燥？枵燥 ê 感覺，枵燥 ê 狀況？
Na, klar.喔，理解。
Warum glaubst du dann nicht auch ans Sattwerden?
呔討你 buaih 認為你已經食飽矣？
--- Scarlets Zaubersatz
Shiva Moon Eine Reise durch Indien（Shiva 月娘，行踏印度）是旅行讀本 mā 是心靈對話讀本 tuì 我來講，作者所搜揣 ê 滿足交平靜 tuì 我來講無特別 ê 共鳴，起因自朋友至少三个 tuì 我講「搪著遮 ê 問題你無倒落去抑是行入烏暗，誠實無簡單」，我 tsiah 理解家己比家己所認為 ê 儼便交理性。這个堅強交理性按怎來我無啥清楚，總是我清楚知影我討厭麻煩紮來 ê 齷齪，自然 buē tuì「無公平」、「攏是別人 teh 創空」ê 戲搬 buē 離。
作者 tuì 平靜 ê 搜揣有一種我個人號做「德國式 ê 不滿足」，像 Scarlet ê 智慧。簡單來講只要無敆意萬事齊是揣𪜶 ê 麻煩 buaih hōo 𪜶一个簡單 ê 平靜。舉一个例，gún 翁。
「你敢捌食過豆腐？」
「M̄ 免試。」
「M̄ 捌試過你呔知影伊䆀味素？」
「我講伊䆀味素，就是䆀味素。」
伊慣勢以家己 ê 四常來要求別人，紲落來又閣以家己 ê 四常來人比人氣死人，然後去別搭要求別人照伊 ê 需求過生活。有夠弄舌，總是大約就是按呢，滿足永遠有空縫，別人永遠有問題。
初讀這本書我無理解作者呔討以 Shiva 做主角，跟綴伊 ê 跤步行踏恆河，回想往時交目今，我想著 Shiva ê 創造交毁滅，想著 Ganesha 按怎有象面，咱每一个人有 Shiva mā 有 Ganesha，簡單來講咱每一个人是神 ê 延續，無論咱同意抑是無同意，每一个神像交神格齊有咱人類 ê 影跡。
Shiva Moon 是 gún 翁紹介我讀 ê 現代 Siddhartha，我認為是現代 Siddhartha 伊認為是另類 Lonely Planet。像伊讀著作者因為一塊 Kam-má-tooh 三明治倒眠床兩禮拜，伊隨想像印度食物準做 tī 餐廳猶是 buē 信任，所致 m̄ 通去印度旅行，伊卻從來 m̄ 捌想過一塊三明治紮來 ê 反向思考，這敢 m̄ 是表示恁德國人 ê 免疫系統無家己想像 ê 遐爾仔好，像作者分張。
這本書有太 tsuē 我少年時 tī 印度做短短小工 ê 記持，無論免疫系統無家己想 ê 遐爾仔好（作者兩禮拜，我一禮拜），抑是印度短短生活紮 hōo 我 ê 人生省思 --- 感恩交滿足是兩項無相𫝛 ê 概念，成做我人生上珍貴 ê 寶藏。像作者最後 ê 開悟，心無滿足 m̄ 願面對問題，準做飛到火星猶是無才調成做 Siddhartha，除非 THC 抑是 LSD「冥想」，像 Baba ê 禮物 Haschisch 大麻。
Ja, sage ich, lass uns war rauchen.
好，我講，咱做伙來快樂。
Nein, sagt der Baba, ich rauche nicht. Aber ich kann dir was schenken.
我無 bueh 快樂，m̄-koh 我會使得送你做禮物(5 Rupien 作者納 20 Rupien)。
紲落來作者 ê 世界成做伊清楚知影這个若猴神自由來去 ê 世界 m̄ 是現實，是奪取伊睏眠 ê 快樂所紮來 ê 應效。
面對伊，理解伊，處理伊 tsiah 是解決齷齪 ê 方法，像作者 tī Kalkutta ê 導遊回答伊「我 bueh 閣轉來印度」，導遊回答「無趕緊，等你準備好，咱 ē 閣見面。」
哲學 tī 生活，生活 tī 哲學。輪迴是生活，生活是輪迴。面對伊，理解伊，處理伊，咱 ê 世界齊是 Shiva Moon，滿天星斗 ê 河溪。
