用台語講電腦的代誌

妮妃雅的消息出來，幾若工了後，我佇我佮囡仔的line群組內底講，我共2020年公視的「誰來晚餐」，妮妃雅彼片看完，我閣講我佇台語社團用台文介紹跨性別。

幾工了後，查某囝傳一个錄音檔予我：「你可以幫XX聽一下他錄的台語教寫程式嗎? 他在邀請大家幫忙聽跟給建議。」我點入去聽，進前咱笑人「台灣國語」，這个是「華語台語」，我聽規半晡，聽無伊主要是佇講啥？敢若是「程式」，我無聽煞，予查某囝的意見是：

「目標聽眾是什麼樣的人? 我的感覺是，要會台語、華語、科學知識的人才猜得到部份他講的內容。

第一段， 聽不出來重點是什麼？主要要講什麼？

第二段， 才聽出來，是「程式」嗎？

「程式」，這種台華語共通的詞，直接點「用台灣閩南語查詞目」查，都有。

太多從華語中硬翻的詞，被說是「華式台語」，不行啦！有的要改用台語的說法、詞。像：不是「談話」，是「開講」。

雖然有的科技詞可以直接翻，但講者的台語發音不準，又含糊，不知道他在說什麼？

要好好地從裏面學好每個詞的發音。

講者要每天好好找人說台語，矯正台語發音，不然人家怎麼跟他學台語？

聽都聽不懂，如何得到他想傳達的新知呢？」

閣予伊教典的網址。

囝婿隨line我：

「我有講稿，一開始用中文打，然後用朋友給我的台語翻譯軟體去翻譯。

我錄音完後也是覺得太國語，所以想找人修，然後重新錄」

伊傳一个google的共用文件予我，

「文字改成別的顏色去修改

Google會保留修改紀錄，所以你只要換文字顏色，就可以分辨是誰改的

而且我可以看得到改之前跟改之後」

我問：「你的意思是要我去修改?

我要改成台文喔!」

伊：「看是要錄音還是要改稿都可以

但是要改的話字的顏色要換（換成上面沒有用過的顏色）」

我：「我用寫的, 需要幾天的時間, 週日~二又不能做。

我試試看」

頂面已經有３種色。我的是第４種。

講到程式、參數、型別……，毋知是欲予電腦界的人聽，抑是一般人？若是「一般人」，我想，若共我教會曉，伊的介紹就成功矣！哈！

幾若工後，我轉去台北，共查某囝講囝婿叫我改稿這件代誌，查某囝講自頭到尾攏是伊家己做的，是喔！聽袂出來是伊的聲音，我想講是伊請朋友錄音的。做完了後，欲囥佇Youtube頂懸。

囝婿的老母是外省人，老爸的工課是輪班，無逐工佇厝，可能這若年有佮講台語的人鬥陣。頂一禮拜伊佮我講幾句仔短短的台語，我佇想奇怪，伊毋捌佮我講台語，原來伊佇做這件代誌。

看遮仔誠華語的寫法，予我的頭殼錯亂，除了改做較台語講法的字詞，嘛共一寡仔查著的拼音貼入去，予伊較好唸。有夠忝，一工做無夠一點鐘，我就擋袂牢，愛歇睏。攏總７頁，到今仔日第６工，才做完。我竟然有這个穡頭發puh出來，無捌想過這个可能。

我捌影過有一个收新詞的網站，

猶有專門收遮仔 科學詞 的網站無? 知影的人麻煩共我講，多謝。