(改寫)
咱疼心kap敬重ê siăn-pái:
原本lín lóng是有自信、有理想、自由ê台灣人、無疑悟這ê外來政權中華民國流亡走路、來kā咱殖民統治、所有ê向望chŏaⁿ變絕望、hông tēⁿ落塗跤。自1945起，天光轉烏暗暝，1947年3初8，中華民國軍隊ùi基隆港上岸大屠殺，kā美麗雅致ê港町thâi kah血sai-sai、袂輸恐怖ê地獄，lín ê 身屍沉落去苦chheh冷霜的大海，家族自此chhōe無心愛ê親人，無影無跡。
Koh較悽慘—ê，中華民國政權用教育洗腦、抹除in ê 僥倖代、掩khàm lín受害 ê歷史、甚至lín的子孫，繼續hō͘中華民國殖民統治，完全m̄知影、mā無了解。
今仔日咱tī這ê所在，咱beh kā犧牲ê先輩講，雖然，咱無法度改變歷史，m̄-koh，咱會使創造歷史。
咱m̄-nā ài清算、審判、制裁當初ê加害者，也ài in付出代價，實現台灣人的公平正義，最重要的是ài建立台灣人ka-kī ê國家，結束中華民國外來政權ê殖民統治，保護咱台灣人生湠ê利益kap權利。
接sòa就是咱ê代誌、咱這代台灣人ài徛起、咱來擔建國ê責任、因為咱m̄甘hō͘ lín ê犧牲無意義，向望咱崇高ê台灣魂、保庇咱台灣建國成功、起造正港ê台灣人文化。
