家長問：「如果我小朋友玩桌遊時出貓，阿女(2-3歲)玩《南極小企鵝》, 明明擲骰仔後可以揭開兩次，她知道。有時兩次都不中，她會想開第三次但我們說不可以。然後第二次我見到她和工人玩，會細細力揭開企鵝，偷看企鵝腳下的蛋是甚麼顏色。應如何處理呢？」
小朋友咁樣做, 背後原因係好想贏, 佢知道規則唔可以, 但又好想得到佢想要的蛋, 於是就偷睇. 有幾個方法可以做, 你可以試試看邊一招一效：
第一招 澄清規則
小朋友對於規則的理解未必等同大人的理解, 簡單講可能係唔明, 無聽, 聽左明左但唔想跟, 有幾個原因：
- 聽一次未必明
- 無心裝載,講規則時未專注到
- 規則太複雜, 唔想聽
- 聽完唔明又以為明
- 聽完都係要跟自己個套玩
- 大人講得唔清唔楚
- 小朋友太想摸下D配件呀, 牌呀, 好好奇, 根本未預備好要聽規則
當你講完規則開始玩, 發覺佢有唔跟規的情況, 最直接就係同佢再澄清一次。有時因小朋友對訊息的接受力和詞彙理解力問題, 可能要澄清多幾次先得
第二招: 換字詞再解釋
基於小朋友可能聽唔明某D字, 所以唔明, 咁就試下改下字詞, 又或者用日常生活的事物去比喻, 總之要令佢明白
第三招: 示範
桌遊講解最重要的不是講, 是示範, 將每個步驟慢慢逐個逐個做一次, 加入連接詞, 「首先我地而家要將牌拿上手」, 「然後打出一張」....
第四招: 重覆
將唔可以做的事, 加重語氣, 重覆說幾遍：「我地係唔可以偷偷打開企鵝去睇佢收埋左咩色的蛋」
第五招: 同理心對話
如果以上都做了, 但孩子還是犯規, 假如是因為未清楚規則, 則將以上四步再做。但如果你好肯定他是明白, 懷疑是刻意違規, 那就要先暫停遊戲，和他好好對話，了解他心中的想法, 並讓他知道你關注他違規的行為。方法可以是：
- 說出名字，請他暫停並專注於你：「小明，請你放下手上的棋和牌，望著我」。家長宜先控制自己情緒，冷靜, 不要動怒, 用堅定而溫柔的眼神和語氣請他面向你。
- 同理他的感受：「我知道你很想贏，對不對？」感受連結是最重要的第一步，連結了才能開啟以下對話
- 指出你留意到他的違規行為/態度，勸告孩子不能再這樣做：「因為我發現你不止一次偷偷看企鵝下面的顏色，但我已經跟你說過, 這是違規行為，請你不要再這樣做了。」
- I-message：「我想告訴你，你這樣做會令媽媽/爸爸很不想和你玩，因為小明沒有守規則」說出他這行為對你帶來的感受
- 建議，告訴孩子繼續遊戲的方法, 邀請孩子自行決定：「媽媽/爸爸很想繼續和你玩，但你要守規則, 不可以再偷看, 如果你做得到, 我就同你玩。如果你做不到，今日就到此為止。你做唔做得到？」
第六招：鼓勵欣賞
如果小朋友說做得到, 就要對他的選擇表示欣賞, 並且要相信他的選擇：「媽媽/爸爸都相信你可以做得到，咁我地繼續玩！」
補充： 孩子刻意違規的原因：
- 太想贏 (明白他感受, 邀請他和其他人一齊守規則, 要贏得公平)
- 太有好奇心 (明白他感受, 告訴他現在不能看, 玩下去就會知道)
- 不夠自我約束力 (透過累積的遊玩便可提升這個能力)
- 不知道後果 (告訴他後果)
- 知道後果但選擇不顧後果 (讓他知道不同的後果, 讓他選擇. 選擇後便讓他承受後果, 家長千萬突然改變主意或心軟, 說到就做到)
- 其他小朋友教唆 (暫停遊戲，向所有小朋友玩家澄清規則否則中止遊戲)
