前記：文長台語MODE腎入。不知道用「智障」和「弱智」等生理病症罵人，算不算是沒有思考用字。
七十冬矣，國語佇台灣四界湠，媒體、網路、學術界、生活日常全全是。因著官方推揀的國語運動佮禁方言，國語成做較高級的語言，喙裡講的、眼內看的，攏是課本寫甲不文不白、不三不四的內容，連阿公阿媽和囝孫仔講話也愛用轉袂輾轉的國語。甚至袂曉講爸母話，濁音囡仔／印仔、牛肉／餘馬、音樂／𪜶角分無；「嗎」、「吧」、「了」四界颺颺飛；入聲合喙音白色、失去、毋甘發無。
恐驚無比「國語」無入聲，閣愛講伊家己三、四聲是入聲閣予人倒彈的代誌矣。「發」和「屋」發一聲是例外、「白」和「竹」發二聲是例外，總是例外，是有偌濟例外？見擺攏講「要用台語、客語發才有」，你毋著承認「國語」無入聲？逐改聽著「國語人士」講中國文化𠢕、台語下流、語言是工具爾爾，我就幌頭，講遮的人敢知𪜶咧食台語豆腐？我臆濟濟人叫是台語無字。我刁工講入聲，就是欲提醒講「入聲是三四聲」的人，欲信毋信在人。「中文」就是無入聲才有遐濟例外，學中國文學的人到底知無？我無嘐潲，干焦提醒中文莫閣硬欲去鬥唐詩宋詞，讀讀了後袂輸王維李清照攏講「國語」。百外年來「入聲是三四聲」成做常識，平仄拗來拐去，講這是李白蘇軾才會使無合格律，倯。「中文」是20世紀初期才出現的概念，以早漢字在人讀，「國字」是「國語」硬搶去的，知影了後閣講「入聲是三四聲」嘛無問題。
另外一个倒彈的代是「台語是中原古音」，我從來毋捌講「台語是中原古音」，因為古早無錄音機，嘛無人聽過三四百冬以前的人講話。我感覺台語就是予「中原古音」害甲。YOUTUBE拍開，逐字攏有正字，逐字攏有本音。書經有、易經有，禮記嘛有。恁蜊仔咧，台語是周朝秦朝的語言。錄音機攏免發明矣。就是按呢「中原古音」害死台語，講無話，著來講「中原古音」。
講實在，我對國語甲漢字文化霸占嘛惱死。只是連雅堂講「台語是雅言」，台語對今講去兩千偌冬嘛是淡薄仔譀古，這是啥物道理？語言正經愛戇甲這款型？
逐改我看著「中原古音」佮「中華文化」時，就戇一下，又閣來矣。我毋知濟濟人講「中華文化」的時，敢有想「中華」是啥物？對我來講，中華就是中國嘛！啥物是中國？中國就是一片捌予蒙古人統治的所在，是到清朝滿人統治時，朝廷和國家原仔分開的所在，是到國民黨失去土地，來台灣了後閣想欲掌握的物件；也就是一个佇二十世紀才起造的民族，毋知抑是無願意面對家己歷史的「康安」心態。毋過我看著逐家用「中華文化」的時，親像毋是按呢，攏咧講「五千年的傳統」、對周公開始的道統。傳統當然愛有歷史發展，毋過講有啥人有影繼承五千年的物件，機率應該毋是蓋懸。按呢為啥物遮無五千年傳統的物件會喝「中華文化」？你可能會共我講有一段時期號「中華文化復興運動」，中華文化就成做重要的物件。請原諒我，「中華文化」真正毋是恁想的「傳統」。閣較趣味的是，毋但有按呢共人喝，嘛有人家己按呢喝，有影是想無頭殼內咧想啥。
我毋是對「中華文化」特別袂爽，日常生活中的「傳統」己經傷濟矣，親像漢字、歌詩、節日、祭拜，攏是傳統，甚至台語的底蒂嘛是所謂的「中華文化」（其實應該講漢文化）。既然生活中「中華文化」遮濟矣，何苦捏甲牢牢牢？
台語無字是另外一个心頭咇噗跳的概念，這是漢字，漢字就會使用台語讀呀，親像拄才講的詩詞。為什麼漢字會成做「國語」專用的「國字」？毋是欲和共產黨的中國分予明？敢閣欲對中國文化遮死忠？
講這傳統，「中國文學系」反對推揀台語、客語上使人驚惶。我承認，以早嘛想講中文才有文學，毋過學台語了後就毋捌按呢想。想袂到，國家語言發展法出來了後，國語、中文改名做「華語」，繼續徛甲在在在。華語規山坪，上無資格討權力的語言，閣咧遐講語言愛平等，逐家攏是國家語言。「華語」閣變做「華語語系」，欲和予中國文化收去的「漢學」相諍。我有影是笑甲腹肚疼。這毋就是恁向望的？
逐改有人講台語無字，翻頭閣講唐詩宋詞愛用台語讀的時，歹勢共黜，我的表情應該是：「你講的攏著」。
台語無字閣有字的問題毋但遮，閣有四界攏咧用的「火星文」。很慢的奶枝、婚頭麥亂蛋。我閣捌台灣文學系的某教授講台語無字，家己台南人自小漢講台語嘛看無字。這馬看伊辦的活動閣攏用台語漢字、白話字，聽講後來予人投，講白話字看無就閣叫人袂使用。連台灣文學的人攏按呢想的時，莫怪台語無字。
國語直直講，爸母話無愛講，囥去學校學閣予人𧮙撟。反共反中國，「中華文化」佮毋知按怎來的「傳統」閣毋甘放，無怪人捎無頭摠，想講恁哪有無仝。
