你敢有拖沙病？拖延的台語怎麼說？

　　逐改若準備欲用功讀冊、認真辦公的時，就會雄雄想欲整理房間、掃塗跤；抑是，逐不時攏屎到尻川，才甘願動工、動作。 抑是手機仔掰咧掰咧，才發現 deadline 欲到矣。這，敢是你的日常？

💡以下咱先來來講一寡仔佮『拖延、延遲』有關係的台語詞：

（以下語詞的聲音檔，有阿東錄音予你聽）

拖沙 thua-sua

也可以疊字「拖拖沙沙 thua-thua-sua-sua」。拖延、磨蹭，或是形容做事拖泥帶水、不乾脆、沒效率。也常用一字「拖 thua」，如：「伊實在真 gâu 拖，欠我兩百箍已經五冬矣，閣猶未還...」；還有人追劇，邊看邊罵劇情「漚戲 gâu 拖棚」，雖然嘴上罵著，但還是忍不住每天看。啊如果是「拖屎連 thua-sái-liân」，多用在罵人做事拖拉遲緩。

趖 sô

原指蛇類、蟲爬行的動作，引申動作緩慢、遲鈍、磨蹭。 還記得以前大學有個學長綽號「蛇王」，後來才知道不是因為他喜歡蛇，而是他動作時常慢吞吞，「足 gâu 趖」，故得其諧音綽號。 「趖」字還有其他近義的詞彙，例如：慢死趖 bān-sí-sô、趖跤趖手 sô-kha-sô-tshiú，或是用動物來比喻形容，「伊動作像龜咧趖，逐擺出門攏愛等一點鐘」。

延 tshiân

拖延、延誤。 也可說「延延 iân-tshiân 」。 如果出門的準備動作太慢，就容易「延(tshiân)著時間 」，啊若是「三延四延」而趕不上火車，甚至是飛機，那就損失大了。 另外，如果是「延期、延誤、拖延 」則是要唸 iân 。

宕 thōng

也有辭典記錄 tōng 音（我個人比較習慣念此音）。 拖延、延宕。 加強版的拖延，可以說「三宕四宕」。那如果是指一個人浪費時間、蹉跎光陰，可以說是「宕時日 thōng-sî-ji̍t」。

了解家己拖沙的原因

其實咱加減仔有「拖沙病」是真四常的代誌，毋過若是定定發生，

可能會惡性循環、自我懷疑、怪罪家己。

若欲共治好，就愛先舞清楚家己是啥物原因，

比如講：

A. 情緒（緊張、驚失敗、齷齪）

B. 時間（感覺時間猶真冗）

C. 自我效能感（感覺家己做袂到）

改善拖沙病的撇步

了解家己趖跤趖手、宕時間的原因了後，

會當用一寡仔撇步來改善，比如講：

1. 喘大氣予家己心情坐清，安搭家己的情緒。

2. 替家己加油、惜惜。

3. 共工作切甲幼的，一步一步倚近目標。

4. 若完成到一个坎站，就予家己獎勵！

5. 愛會記得呵咾家己。