咱嘛是咧寫歷史的人—聽共生音樂節《共生共聲》ft.呂美親

這是兩千年，一月十五，我讀著〈讀汝這本冊〉。遐爾媠的臺語詩，予我感覺「我的語言哪會使寫出遮媠的物件？」，這是我足「shock」的代誌。

咱嘛是咧寫歷史的人。過去的歷史過去矣，但是遐的歷史的物件，猶閣有真濟咧影響咱。

阮講較歹聽就是，其實過往的人顛倒上輕鬆，留落來的是誰？伊的太太。伊不是干焦面對翁婿的過身，伊愛面對家族對伊的「無體諒」。

對我家己來講，少年人無啥會曉講臺語，這是足可惜的代誌。咱共這个語言揣轉來，就會當走揣本來足媠的物件，會當感受彼个「媠」到底是佇佗位。若是無法度去感受，你對你家己的文化認同就無法度學清氣，到尾仔你對土地較釘根的基礎「無去」，咱就會變作無根的世代。就算講，你會去認同這个土地，但是這個土地有啥物？咱毋知影。伊的過去有偌好的物件？咱毋知影。你嘛會當講按呢嘛無要緊啊，但是咱明明就會當閣較知影，咱明明就會當閣較好，咱明明就會當因為有彼个語言，表現出無仝款的物件，去佮別人講「咱佮別人無仝款」、「是按怎無仝款」──但是咱講不啥會出來。