【教師增能 / 學生自主學習｜食好鬥相報！】🤩
去和新竹市的台語老師分享
按怎做台語語詞圖卡閣有教學的經驗和想法，
這个問題定嘛有人咧問講是用啥物軟體做的...
講實的，我就干焦是用 Canva 去做爾，
而且是用一寡仔基本的功能而已，
論真講，我毋是真 gâu 設計，
軟體真濟功能我摸猶未透的...
這个時陣！天公伯仔可能有安排！
聖拄聖(siànn-tú-siànn)，遮爾仔拄好，
受著 Hahow for Campus 的邀請，
予我有機會通好來平台上課練武功，
增加我家己的「功力」！💪
這20幾工的體驗時間，
阿東我佇平台選真濟無仝領域的課程，
有影是真濟的喔！像：
Canva 實戰課程教我足濟製圖撇步、
啾啾鞋教講按怎收集有合用的資料的方法、
文案寫稿課程教我社群鋪文結構理路，
閣有 Bullet Journal 課程教我按怎做生活筆記，
會當好好仔規畫生活佮工課，改善「拖沙病」...
Hahow for Campus 平台7大主題100+的課程，
外語學群、設計學群、藝術學群、資訊學群、管理學群、
三面九項核心素養、高效數位工具指南...
（紲來我想欲揀內底的手作課程><）
袂輸自助餐，會使夾(ngeh)家己愛食的，
課程正港豐沛閣實櫼(tsa̍t-tsinn)！！！
所以我會推薦 HahowForCampus 予逐家 ，因為：
✔️會使自主規劃學習、調整學習進度
✔️課程切甲真幼路，閣有講義通好配
✔️看會著家己學習的跤跡，累積成就感
✔️教師自我進修，加添備課靈感和教學技能
✔️學生自主學習，學著家己想欲學的物件
✔️已經超過100間學校咧使用平台
💡學校通用推動中小學數位學習精進方案採購
💡學校會使申請14工免費試用方案
學校師生最有效的數位圖書館
歡迎逐家佇下跤留話：
1. 你最近想欲學啥物？抑是當咧學啥物技能？
2. 畢業了後，你慣勢用啥物管道來學物件？
3. 敢有啥物問題想欲問阿東的？
