代而不表

睇韓劇成日聽到「代表」呢個term，原來喺指「部門主管」，一般泥講，可以喺中低或中高層，喺公司角度，喺一班夾心階層，做得唔好，隨時管唔掂班細嘅，又應付唔到班大佬，如果博唔到上位，隨時喺裁員嘅首選。

中文泥講，代表可以用作名詞，又可用作動詞，意思當然喺「代替個人或集體發表意見或擔任工作的人」、「代替執行任務、行使權利」，就咁睇好似好有權力，但呢種並唔喺真正嘅權力，前提喺有委托人嘅信任先得，一旦不被委托人信任，自然消失權力。

近年成日聽見人講「XX不代表我」，令人反思到底「代表」其實又代表緊咩嘢，仲有所謂嘅代表，會唔會只喺一個數學嘅對等符號，等嘅兩邊嘅嘢其實唔需要有真正嘅對等意義，因為兩者都喺代號，即A=B，B=C，視乎邊個有權去解讀條式。

諗深一層，代表本身就有啲虛虛哋嘅感覺，好似一切藝術裡面嘅象徵意符咁，充滿不確定性，用作諷刺手法其實喺非常合適嘅。所以，月亮可以代表我的心，如果月亮喺指愛情，可以好浪漫，但月亮都可以代表神祕、無法實現嘅夢想等等，荷蘭繪畫大師揚·凡·艾克（Jan van Eyck）仲早過達·文西繪製咗一幅雙連畫《耶穌受難》（The Crucifixion）同《最後的審判》（The Last Judgment），將頭顱同月亮融為一體，表達咗人嘅墮落同死亡。

咁樣嘅話，要成為代表，最重要嘅喺佢喺被代表嘅對象心目中究竟有冇代表性，如果用投票嘅方法，當然要睇投票率，否則只能算喺代而不表，當然可以照舊運作得到，但只能夠講「它不代表我」。代而不表有啲似尸位素餐，扮神像嘅人根本毫無代表性，更加唔喺神祀要佢扮自己嘅，而佢偏偏可以食祭物，最奇嘅喺善信對於呢樣嘢喺覺得理所當然，呢啲就叫迷信。