這是我上課時當場寫的，回來查字典，確定字之後，貼在社群中。上課時做的活動、寫的東西，我都會一起寫。
￭台語是上好的國防。
￭啥人佮你「仝文仝種」！
￭台語咧欲無去矣！台語若死去，台灣文化就綴去消失。佇台灣這塊土地拍拚幾若百年、幾千年、幾萬年所有的物仔、文化攏無去，予人食去，我毋甘願。
￭毋免攏會曉才開班。我台羅猶學無齊全，手機仔的APP猶未看說明，袂曉用，因為會曉用電腦查，一直咧寫，就會使招人來同齊寫，逐家同齊進步。
￭囡仔自細漢同齊會曉２種母語，頭腦較𠢕（gâu）變巧，較聰明，後擺學其他的語言，會學較緊。
￭有人同齊講台語，寫台文，用台文傳消息，是誠幸福的代誌。
￭拄著外國人，人問：「台灣是啥物款的國家？」「台灣人佮中國人按怎無仝款？」啥人講會出來？
￭四九人（1949年以後來台灣的人，進前講「外省人」），自in的故鄉徙來台灣，誠不幸、可憐，這毋是台灣人害的，是時代的悲劇。
￭五十年、八十年，就用中華文化規个罩佇台灣的頂面，誠厲害。
￭毋是會成功才去做，跤手振動開始去做，才有成功的可能。
（2026.04.24.）
○查字典
￭電腦：教育部臺灣台語常用詞辭典 https://sutian.moe.edu.tw/zh-hant/
￭手機：有「教育部台語輸入法」的APP可安裝，可以用講的。
